ELYSIUM, KZN. – Drie persone is dood in ’n busongeluk Maandagaand op die N2 naby Elysium.
Volgens nooddienste het hulle ’n omgekeerde bus op die ongelukstoneel aangetref nadat die busbestuurder na bewering beheer oor die bus verloor het.
Een persoon het kritieke beserings opgedoen en ’n verdere 23 passasiers is gering tot ernstig beseer. Drie persone is op die toneel dood verklaar.
Die ondersoek wat meer duidelikheid oor die oorsaak van die ongeluk kan verskaf, duur voort.
Bronne: Arrive Alive, SABC
