Drie mans elk op 14 Maart agt jaar tronkstraf vir die gewapende roof van Madeira-drankwinkel, opgelê
Kapt. Sergio Kock, polisiewoordvoerder in die Noord-Kaap sê: “Busi Dlamini, Joseph Kgantsile Molapo en Bethuel Mhlanga is vir die rooftog verlede jaar, skuldig bevind.”
“Die drie mans het met toemaaktyd op die besigheid toegeslaan. Twee personeellede, albei vroue, se hande is vasgebind en die rowers het met ’n groot soms geld, tabak en duur alcohol agter uit die drankwinkel probeer vlug,” verduidelik Kock.
Die personeel het daarin geslaag om ’n sekuriteitsbeampte van Top Security Systems (TSS) van die rooftog bewus te maak en die polisie is ontbied. Kock sê: “Die blitspatrollie en die eenheid vir misdaad bekamping het die sekuriteitsmaatskappy bygestaan en die rowers is op die perseel in hegtenis geneem. ’n Swart sak met gesteelde goedere en ’n panga waarmee die rowers die personeel gedreig het, is op beslag gelê.”
Die SAPS het konst. Billy Frans van die Noord-Kaap trio-eenheid bedank vir goeie werk tydens die ondersoek gelewer.
