Die nasionale verbruikerskommissie (NVK) waarsku dat verskeie droë honde- en katkosprodukte van RCL Foods teruggeroep word nadat hoë vlakke van ’n natuurlike gifstof, Deoksinivalenol (DON), daarin gevind is.
Die terugroep raak sekere lotte van Bobtail, Catmor, Canine Cuisine, Optimizor, Ultra Pet en Superwoof wat tussen Mei en Junie 2025 vervaardig en landwyd versprei is. DON kom natuurlik in graan voor, maar te hoë vlakke kan spysverteringsprobleme en verlies aan eetlus by troeteldiere veroorsaak.
Troeteldiereienaars word gevra om onmiddellik op te hou om die betrokke kos te gebruik en dit terug te neem na die winkel vir ’n volle terugbetaling. ’n Bewys van aankoop is nie nodig nie. Die NVK sal toesien dat die terugroep volgens die Verbruikersbeskermingswet verloop.
Lees meer hier onder:
