KWAZULU-NATAL. – Een persoon het Vrydagmiddag gesterf en nog een is kritiek nadat twee voertuie mekaar gestamp en een op ‘n kruising in Sydenham Hill gerol het. Die ongeluk het gebeur.
Garrith Jamieson van ALS Paramedics sê die een voertuig het veelvuldige kere gerol en op sy dak te lande gekom. Die bestuurder van die een voertuig was in die wrak vasgekeer. Met assesering het paramedici gevind daar kon niks meer vir hom gedoen word nie en hy is dood verklaar. Die passasier van die voertuig is tydens die rol van die voertuig uitgewerp. Hy is kritiek beseer en paramedici het hom gestabiliseer, aan ‘n ventilator gekoppel en na ‘n nabygeleë hospitaal vervoer.
Die bestuurder van die ander voertuig het geringe beserings opgedoen.
Omstandighede van die ongeluk word deur die polisie, wat op die toneel teenwoordig was, ondersoek.
