OOS-KAAP. – ‘n Beweerde transitorower (50) is Maandag deur die Valke in hegtenis geneem, terwyl nog een deur veiligheidswagte doodgeskiet is. ‘n Veiligheidswag het ook tydens die skietery gesterf.
Adj.off. Ndiphiwe Mhlakuvana, woordvoerder vir die Valke, sê Fidelity-veiligheidsbeamptes het omstreeks 09:00 die KFC in Commercialstraat in Gqeberha binnegegaan om geld te kollekteer, waarna hulle na bewering deur gewapende verdagtes in ‘n lokval gelei is. ‘n Skietery het ontstaan, waartydens een van die verdagtes en ‘n veiligheidsbeampte noodlottig gewond is.
Mhlakuvana sê die verdagte is op aanklagte van moord en poging tot ‘n sakeroof gearresteer. Die polisie het die een verdagte op die toneel vasgetrek, wat vandag in die New Brighton-landdroshof verskyn. Ander get gevlug.
Die ondersoek duur voort en enigiemand met relevante inligting word gevra om 079 508 9756, te bel.
Geen geld of vuurwapens is tydens die insident deur verdagtes gevat nie.
