Die leier van die EFF in die Noord-Kaap, Shadrack Tlhaole, het gesê hy sal die eerste swart inwoner van Orania wees sodra ander rasse in die blanke Afrikanerdorp toegelaat word.
Lees ook: Hooggeregshof stel uitspraak oor BTW-verhoging uit
Sy stelling volg na die EFF Dinsdag na die Noord-Kaapse premier se kantoor gemarsjeer het om te eis dat die bestaan van Orania hersien word.
Tlhaole het gesê afsonderlike gebiede kan nie na 31 jaar van ’n demokratiese Suid-Afrika bestaan nie.
Hy het gesê: “Ek gaan ’n inwoner van Orania wees. Ek gaan met my party, die leierskap van die EFF. Ek gaan baklei om een samelewing te wees, ons gaan almal insluit.”
Tlhaole het ook gesê: “Die EFF is gefokus daarop om al die mense te herenig. As iets nie gedoen word aan Orania nie, gaan daar spanning wees tussen swart en wit in Suid-Afrika, so ons baklei sodat ons kan wen.”
Bronne: EWN, Briefly, The South African
Lees ook: Hooggeregshof stel uitspraak oor BTW-verhoging uit
Het jy kommentaar oor die berig? Jy kan nou aan Nuusflits lesersbriewe skryf en dalk word joune gepubliseer. Rig jou brief aan die redakteur by [email protected].
