Lees ook: Disney laat vaar hofaansoek om dagvaarding na vrou se dood te keer
NEW JERSEY, VSA. – ’n Egpaar wat ernstige beserings opgedoen het ná ’n Uber waarin hulle was oor ’n rooi lig gery het en ‘n ongeluk veroorsaak het, mag nie die maatskappy dagvaar nie weens die bepalings van Uber Eats wat hulle aanvaar het.
Georgia en John McGinty het in Maart 2022 in ’n Uber gery toe die ongeluk plaasgevind het, wat gelei het tot ernstige ruggraat- en ingewandbeserings vir Georgia, en ‘n gebreekte sternum, hand en gewrig vir John. Hy het steeds nie die volle funksie van sy hand terug nie, nadat nege penne in sy hand geplaas moes word.
Die hof het beslis dat die McGinty’s hul reg om Uber te dagvaar verloor het omdat hulle ingestem het tot Uber Eats se bepalings, wat bepaal dat alle geskille deur arbitrasie besleg moet word. Georgia en John McGinty het aangevoer dat hulle nie bewus was dat hulle hierdie reg prysgee nie, aangesien hul dogter die terme aanvaar het toe sy ’n pizza op Uber Eats bestel het.
Die McGinty’s se pogings om die saak in die hof te bring, het misluk weens hierdie kontraktuele beperking, wat die pad na regstellende aksie teen die maatskappy gesluit het.
Bronne: The Independent, The Mirror, BBC
Lees ook: Disney laat vaar hofaansoek om dagvaarding na vrou se dood te keer
