PAKISTAN. – Die eienaars van ’n troetelleeu wat ontsnap het en ’n vrou en haar drie kinders aangeval het, is in hegtenis geneem.
Lees ook: Israeliese weermag teiken Hoethi-hawens in Jemen
Die leeu het oor ’n betonmuur gespring en op die vrou en haar kinders afgestorm. Hulle het beserings aan hulle arms en gesigte opgedoen, maar is in ’n stabiele toestand.
Die leeu is gevang en na ’n wildpark geneem. Die eienaars is vir nalatigheid en die besit van ’n wilde dier sonder ’n lisensie in hegtenis geneem.
Plaaslike media het berig die eienaars kan tot sewe jaar tronkstraf of ’n boete van tot $17 500 opgelê word.
Bronne: BBC, The Sun, CNN
