SUID-KAAP. – Elf persone, van wie vier polisielede, is beseer toe die staatsvoertuig waarin hulle gery het Woensdagoggend omstreeks 08:30 naby Oubaai, in George in die Tuinroete gerol het.
Sers. Christopher Spies sê aan Nuusflits ‘n voorlopige ondersoek dui aan die polisievangwa met verdagtes agterin was onderweg na George toe dit gerol het. Die beseerdes is vir mediese behandeling na ‘n nabygeleë fasiliteit geneem.
Spies sê ‘n dossier vir roekelose en nalatige betuur is geopen en die oorsaak van die ongeluk word ondersoek.
