KWAZULU-NATAL. – ‘n “Gasstoofdief” het glo Vrydag nie net ‘n inwoner van Havenwoodweg in Trenance Park se gasstoof uit sy erf gesteel nie, maar ook ‘n pot hoenderkerrie.
Reaction Unit South Africa (Rusa) sê dié diens is na ‘n klagte van diefstal uitgeroep. Die inwoner het kos op ‘n gasstoof in sy erf voorberei en vlugtig die huis ingegaan om ‘n radio aan te skakel. Enkele minute later, toe hy weer buite kom, was die pot kos en die gasstoof skoonveld.
Die huiseienaar het niemand gesien wat die erf betree nie en kon nie bevestig wie vir die diefstal verantwoordelik is nie.
