KWAZULU-NATAL. – ‘n Vragmotor wat Woensdagoggend in die area van Camperdown met vuurwerk ter waarde van R4 m. gekaap is, is in Phoenix teruggevind.
Durban-metro se polisie-dwelmeenheid het saam met eThekwini-munisipaliteit se infrastruktuur-taakspan, misdaadintelligensie en Dew Force Security inligting opgevolg, waarna drie verdagtes gearresteer is. Daar is op die verdagtes toegeslaan terwyl hulle besig was om die gesteelde goedere by ‘n Hindoe-tempel af te laai. Die gekaapte vragmotor met vrag is teruggekry.
Die SAPD se bomeenheid is weens die vlambaarheid van die items na die toneel ontbied.
