Crystal-Donna Roberts (40), aktrise, aanbieder en skrywer, het vanoggend na ‘n lang stryd teen kanker gesterf.
Schalk Cornelessen, haar man, het die nuus van op sy sosiale media gedeel: “RIP my beautiful beautiful loving wife.”
Roberts is op 13 Oktober 1984 in Bloemfontein gebore en is in talle produksies, onder meer 7de Laan, Arendsvlei, Vallei van Sluiers, Projek Dina, Die Byl en Die Boland Moorde te sien.
Volgens Vriende van NALN (Nasionale Afrikaanse Letterkundige Museum en Navorsingsentrum) se Facebook-blad het Roberts in 2019 op die Tussen Ons-geselsprogram vertel sy is met borskanker gediagnoseer en moes ‘n dubbele mastektomie ondergaan. Kankerselle is daarna in haar kliere opgespoor en sy moes chemobehandeling ontvang.
Roberts het in 2018 ‘n SAFTA-toekenning vir beste aktrisie vir die naamrol in Krotoa ontvang.
