NEW HAMPSHIRE, VSA. – Twee volwassenes en twee kinders is Maandagaand in ‘n woning in Madbury, New Hampshire, dood gevind.
Lees ook: Soektog na vermistes ná vloede in Pakistan duur voort
Twee mense het 911 gebel oor “’n verdagte dood” wat gelei het tot die vonds van die liggame van ’n egpaar en ’n seun (6) en dogter (8). ’n Kleuter is ongedeerd in die huis gevind en is in die sorg van familielede geplaas.
Volgens die direkteur-generaal John M Formella se kantoor het die vier slagoffers almal skietwonde gehad en is op die toneel dood verklaar. Hy het gesê speurders ondersoek die saak as ’n moontlike moord/selfdood.
Nadoodse ondersoeke sal vandag uitgevoer word en na verwagting meer lig op die saak werp. Dit is onbekend wie die skieter was. Die oorlede man was ‘n skoolsielkundige wat volgens ‘n inwoner van die buurt aan The Union Leader teen breinkanker geveg het.
Bronne: The Independent, PEOPLE, ABC News
Lees ook: Soektog na vermistes ná vloede in Pakistan duur voort
