KWAZULU-NATAL. – ‘n Gesin van vier, onder wie ‘n 15-jarige tiener, is Donderdagaand omstreeks 20:00 in ‘n enkelvoertuigongeluk op die N3 naby Leeurivier beseer. Drie van hulle was in die wrak vasgekeer.
Midlands EMS Howick se gevorderde lewensondersteuning-paramedici, reddingspersoneel en ’n ambulans is na die toneel ontbied. By aankoms is gevind dat die voertuig gerol het en drie van die gesinslede was vasgekeer. Spesiale toerusting is gebruik om die vasgekeerde persone uit die voertuig te bevry, terwyl paramedici mediese sorg verleen het. Hulle is ná stabilisering vir verdere behandeling na ‘n hospitaal vervoer.
Owerhede was op die toneel en ondersoek tans die oorsaak van die ongeluk.
Het jy kommentaar oor die berig? Jy kan nou aan Nuusflits lesersbriewe skryf en dalk word joune gepubliseer. Rig jou brief aan die redakteur by nuus@nuusflits.com
