LIMPOPO. – Die geskende liggaam van Phuthi Oscar Serumula, ‘n visserman, is Vrydagoggend omstreeks 09:00 met vermiste ledemate uit die Mogalakwenarivier, met krokodille gehaal.
Kol. Malesela Ledwaba sê Maleboho-polisie is van ‘n verdrinking in dié rivier in die Arrie-woonbuurt ingelig. Met aankoms op die toneel is die lewelose liggaam in die rivier uitgewys. Voorlopige ondersoek het aangedui die man het visgevang en is moontlik deur krokodille aangeval. Die provinsiale soek-en-reddingspan het die liggaam uit die rivier gehaal. Die man is deur nooddienste dood verklaar.
‘n Geregtelike doodsondersoek is geopen.
Ledwaba waarsku inwoners plaas hulle lewens op die spel om riviere met krokodille oor te steek, daarin te swem of vis te vang.
