GAUTENG. – ‘n Gesoekte misdadiger wat op borg uit was, is Dinsdagaand deur die polisie doodgeskiet na inligting ontvang is oor die liggaam van ‘n ontvoerde sakeman wat gevind is. Die voorval het op die N12 tussen Kliprivier en die Xavier-afrit in Johannesburg gebeur.
Brig. Athlenda Mathe sê die misdadiger was voorheen op 29 aanklagte van motordiefstal en kapings in hegtenis geneem. Shamshudeen Faki (68) is Saterdag by sy sakeperseel in Benoni ontvoer, waarna ‘n losprys van miljoene onmiddellik gemaak is. Die sakeman het egter na bewering tydens aanhouding aan die hand van sy ontvoerders gesterf. Faki se liggaam is Maandag deur ‘n GPF-patrolleerder in Dalpak gevind.
‘n Polisiespan, bestaande uit ‘n teen-kapingseenheid, misdaadintelligensie, sigbare polisiëring en speurders saam met privaat sekuriteit, het Dinsdagaand verdagtes van die ontvoering gesoek toe die skietery op die N12 uitgebreek het.
Mathe sê die verdagte, ‘n gesoekte misdadiger, wat doodgeskiet is, was in besit van Faki se identiteitsdokument. ‘n Blou lig, nommerplate wat glo in die ontvoering gebruik is en twee vuurwapens, is ook gevind.
Die oorledene se makkers in die ontvoeringsaak word gesoek.
Mathe sê in die laaste twee jaar is minstens 250 verdagtes wat ontvoerings vir lospryse uitgevoer het, in hegtenis geneem.
