VRYSTAAT. – In afsonderlike voorvalle is ‘n gesoekte verdagte (24) deur die Welkomse teen-bende-eenheid in hegtenis geneem en het die eenheid ook ‘n versteekte 12-boor haelgeweer in ‘n oop veld gevind.
Sers. Mahlomola Kareli sê die polisielede het Woensdagoggend inligting van die gesoekte verdagte van ‘n besigheidsinbraak in Kutlwanong op Odendaalsrus ontvang. Die besigheidsinbaak is in Februarie by ‘n plaaslike taverne gepleeg. Die verdagte is in hegtenis geneem toe hy glo probeer weghardloop het. Hy sal binnekort in die Odendaalsrus-landdroshof verskyn.
In die tweede voorval het die eenheid Dinsdag inligting oor ‘n ongelisensieerde vuurwapen opgevolg. Die haelgeweer wat gevind is, sal vir ballistiese toetse gestuur word om vas te stel of dit moontlik aan enige misdade gekoppel kan word. ‘n Navraagdossier is geopen.
