NOORD-KAAP. – Goud- en silwerstawe is gedurende November 2022 op ‘n plaas in Vosburg, waar ‘n man en sy vrou gehuur het, gesteel.
AO Nomthandazo Mnisi sê die Valke vra die publiek om die gesteelde eiendom te help opspoor.
Na bewering het vier gewapende verdagtes die man en vrou in die plaashuis oorval, waarna daar met die goud- en silwerstawe ter waarde van R40 m. en ‘n .22-geweer van die toneel gevlug is. ‘n Saak van gewapende roof is geopen en is later vir ondersoek na die Valke oorgeplaas.
“Die gesteelde goud- en silwerstawe is moontlik aan niksvermoedende kopers verkoop.”
Enigiemand met inligting van die stawe, al is dit ‘n transaksie op die swartmark, word versoek om AO Rooiland by 082 770 5219 te bel.
