VSA. – Ghislaine Maxwell is gister deur die departement van justisie oor Jeffrey Epstein ondervra. Haar prokureur, David Oscar Markus, het gesê sy het “elke liewe vraag” beantwoord.
Lees ook: Wetmakers stem om Ghislaine Maxwell te dagvaar vir getuienis oor Epstein-lêers
Donald Trump se voormalige prokureur en adjunkprokureur-generaal, Todd Blanche, het gesê hy gaan haar vandag verder ondervra en dat die departement inligting oor die ondervraging op die “regte tyd” sal deel. Verskeie politici en lede van die publiek is van mening dit is ‘n “konflik van belang” dat Trump se prokureur toegelaat word om Maxwell se ondervra.
Maxwell se ondervraging volg op die druk wat op Donald Trump se administrasie geplaas word om bewyse aangaande Epstein se saak vry te stel. Die FBI en departement van justisie het vroeër die maand gesê daar is geen Epstein-kliëntelys nie en dat Epstein selfdood gepleeg het. Volgens die FBI en departement sal geen verdere inligting vrygestel word nie.
Bronne: The Independent, The Hill, ABC
Lees ook: Wetmakers stem om Ghislaine Maxwell te dagvaar vir getuienis oor Epstein-lêers
