VSA. – Die toesigkomitee van die Amerikaanse Huis van Verteenwoordigers het ’n dagvaardiging goedgekeur om Ghislaine Maxwell te forseer om getuienis oor Jeffrey Epstein se kliëntelys en lêers te lewer.
Lees ook: Donald Trump dagvaar mediamaatskappye en base oor Epstein-berig
Verskeie wetmakers het ook gedreig om die justisiedepartement met ‘n stemming te dwing om al die bewyse oor die Epstein- en Maxwell-sake vry te stel.
Enige verdere stemmery is verhoed deur die speaker van die VSA se huis van verteenwoordigers, Mike Johnson, wat die vroeë reses van die komitee aangekondig het. Die komitee sal eers weer in September kan stem om die bewyse te laat vrystel. Johnson het die besluit verdedig deur Demokrate te beskuldig van “politiese speletjies”. Dit volg ná spanning in Amerika tussen Trump-ondersteuners en die Demokrate en Republikane nadat die FBI en justisiedepartement gesê het daar is geen Epstein-lys nie en dat geen verdere inligting oor Epstein vrygelaat sal word nie.
Die departement van justisie het gister ’n vergadering met Maxwell versoek om uit te vind wat sy weet.
Bronne: The Independent, BBC, USA Today
Lees ook: Donald Trump dagvaar mediamaatskappye en base oor Epstein-berig
