VSA. – Ghislaine Maxwell se prokureur het in ’n brief aan die Amerikaanse kongres gesê sy sal getuig oor wat sy weet van Jeffrey Epstein, maar dat sy sekere voorwaardes het waaraan voldoen moet word.
Lees ook: Ghislaine Maxwell deur justisiedepartement ondervra
Volgens haar prokureur het sy gesê die hoogste hof moet eers haar aansoek om appèl oorweeg en dat die House Committee on Oversight and Government Reform die vrae vooraf vir haar moet stuur en formele immuniteit aan haar moet toestaan voor sy verder oor Epstein getuig.
Sy het ook gesê sy is “gretig” en bereid om te getuig as president Donald Trump haar vryspreek of haar vonnis verminder.
Haar prokureur het gesê as nie aan haar voorwaardes voldoen word nie, gaan Maxwell “geen keuse hê as om haar regte uit te oefen wat sal verhoed dat sy getuig nie”.
Bronne: New York Times, USA Today, CBS News
Lees ook: Ghislaine Maxwell deur justisiedepartement ondervra
