LIMPOPO, SUID-AFRIKA. – ’n Graad 9-meisie (15) is dood nadat ’n groep van 52 leerders van Raleledu Secondary School Vrydag van maagkrampe gekla het.
Dit volg nadat hulle glo van die voedingskema by die skool se kos geëet het. Leerders het kort na die ete naar geword. Hulle is na nabygeleë klinieke geneem en later na die George Masebe-hospitaal oorgeplaas.
Die betrokke meisie was al een wat in ’n kritieke toestand was.
Mavhungu Lerule-Ramakhanya, LUR vir onderwys in Limpopo, het haar medelye teenoor die leerder se familie betuig. Volgens haar gaan die oorsaak van die “vergiftiging” ondersoek word. Sielkundige berading en ondersteuning is aan die skool en gemeenskap beskikbaar gestel.
Bronne: Capricorn FM, Limpopo Chronicle
