Die minister van minerale en petroleumbronne, Gwede Mantashe, het Sondag tydens die Vryheidsdagviering in Ermelo teen rassisme en rasseskeiding in Suid-Afrika gepraat.
Lees ook: Orania reageer op EFF se eise oor Orania se bestaansreg
Hy het tydens sy toespraak gesê as hy die president was, sou hy vir swart mense gesê het om in Orania te gaan bou. Mantashe, wat president Cyril Ramaphosa gister verteenwoordig het, het gesê: “As ek vir langer as drie uur die president was, sou ek gesê het mense moet gaan en bou in Orania. Swart mense moet gaan en daar bou en ons meng hulle. Hulle sou waardeer dat haat nie vrede kan oorwin nie. Dit is vrede wat ’n nasie bou.
Hy het bygevoeg: “Ek kan nie. As ek kon, sou ek sê gaan en bou in Orania. Ander gaan na Amerika en vra vir Trump om ons te straf, maar hulle bly hier. Nou is hulle gesê om soontoe te gaan en vlugtelinge te wees; hulle weier. Hulle moet gaan. Ons is ’n vrye land, ons het ’n soewereiniteit en ons is nie ’n provinsie van die VSA nie. Ons soewereiniteit sal verdedig word”.
Acting President Gwede Mantashe stated that if he were to serve as president for more than three hours, he would urge black people to go and build in Orania. pic.twitter.com/DldEneoTzB
— MDN NEWS (@MDNnewss) April 27, 2025
Bronne: IOL, SABC News, Briefly
Lees ook: Orania reageer op EFF se eise oor Orania se bestaansreg
