PAKISTAN. – Die laaste gyselaars wat Dinsdag op die trein was wat deur lede van die Balochistan Liberation Army gekaap is, is gisteraand (Donderdag) bevry.
Lees ook: 190 gyselaars gered, 30 militante dood in Pakistan-treinkaping
Meer as 400 passasiers, insluitend 214 soldate en ander veiligheidspersoneel, was op ‘n Jaffar Express op pad na Quetta toe die militante die treinspoor opgeblaas het toe die trein deur ‘n tonnel gaan.
Sowat 11 persone is dood toe die militante op die trein begin skiet het, terwyl 37 in die aanvanklike aanval beseer is. Volgens veiligheidsowerhede is altesaam 27 gyselaars oorlede.
Die militante het geëis politieke gevangenes en mense wat glo deur die weermag ontvoer is, moet binne 48 uur vrygelaat word. Van die militante het met “selfdood baadjies” langs passasiers gaan sit.
Sowat 35 militante is in die reddingspoging van die gyselaars gedood.
Bronne: Republic World, NBC News, CNN
Lees ook: 190 gyselaars gered, 30 militante dood in Pakistan-treinkaping
