Verdagtes is moontlik op die vlug nadat hulle na bewering ‘n wit Toyota-bakkie van Hancor in Kimberley gesteel het.
Pieta Serfontein, eienaar van Hancor-melkery, sê hy het nog nie die finale inligting gekry nie.
“Die bakkie is vanoggend by die nuwe Burger King in Kimberley gekaap. Die bakkie is nog nie gekry nie. Ek weet net hulle is op soek in Boshof.”
Deon Douglas, bestuurder van die bakkie, het aan FiND iT gesê hulle is tans besig om die verdagtes te soek. FiND iT sal die artikel opdateer soos wat nuwe inligting inkom.
