Die Springbok-rugbyspeler Handré Pollard en sy vrou Marise, se seuntjie is Donderdag 25 April gebore.
Volgens Marise se Instagram-blad het Hunter André Pollard 3.6 kg geweeg en was hy 52 cm lank by geboorte. Sy beskryf hom as hulle grootste seëning.
Die sangeres Karlien van Jaarsveld is een van vele bekendes wat hulle gelukgewens het. “Geluk julle! Geniet hom!”
Simoné Nortman skryf sy het twee jaar gelede gedroom die paartjie kry ’n seuntjie. “Hier is hy nou! Baie geluk en geniet daai cuddles!”
Bron: Marise Pollard Instagram
