NEW YORK, VSA. – Harvey Weinstein is in ’n nuwe verhoor in New York skuldig bevind aan seksuele aanranding ná sy vorige skuldbevinding deur die New Yorkse appèlhof omgekeer is.
Lees ook: Harvey Weinstein in New York vir herverhoor
Die jurie het hom skuldig bevind op ’n aanklag van seksuele aanranding op die voormalige televisie-produksieassistent Miriam Haley. Hy is onskuldig bevind op die aanklag van seksuele aanranding teen die voornemende model Kaja Sokola. Die jurie sal na verwagting vandag beslis oor die aanklag van verkragting op die aspirant-aktrise Jessica Mann.
Weinstein se woordvoerder het gister gesê die verhoor “was regverdig tot ons by die beslissing gekom het. Meer as een jurielid het gekla dat die ander lede vooraf besluit het oor sy skuld en dat hulle hul idees oor sy lewe gebruik as bewyse van skuld.” Hy het bygevoeg: “Ons glo daar was ernstige probleme met die beslissing en ons gaan dit ondersoek”.
Bronne: BBC, New York Times, Los Angeles Times
Lees ook: Harvey Weinstein weer in hospitaal
