SUID-AFRIKA. – Die Nasionale Krugerwildtuin het ’n verklaring uitgereik nadat ’n vroulike werknemer glo Donderdagoggend om 02:00 in haar kamer by die Berg-en-Dal-kamp deur ’n hiëna gebyt is.
Die werknemer was glo aan die slaap in ‘n woningseenheid vir personeel toe sy aan die arm gebyt is.
Isaac Phaala, KNP se woordvoerder, het bevestig die werknemer is ná die insident gestabiliseer en na ’n hospitaal vir verdere mediese behandeling gehaas. ’n Veldwagter en sy span het die spore van die hiëna gevolg. Volgens hom moes die hiëna “ongelukkig” van kant gemaak word.
In 2016 was daar ’n voorval waar ’n seun in die Krokodilbrug-kamp deur ’n hiëna gebyt is.
Bronne: Caxton News, SA People, Jacaranda FM
