Lees ook: Nog grondboontjiebotter van rakke verwyder
Oor die afgelope twee weke is verskeie handelsmerke grondboontjiebotter herroep oor onaanvaarbare hoeveelhede van ‘n gifstof wat deur ‘n fungus veroorsaak word in die grondboontjiebotter gevind is.
Die handelsmerke wat herroep is, kom van die House of Natural Butters af. Dit sluit die grondboontjiebotter van Pick n Pay se No Name, Eden All Natural en Dischem se Lifestyle in. Die Wazoogles Superfoods-grondboontjiebotter is ook herroep.
Gebruikers word aangemoedig om die grondboontjiebotter, met of sonder ‘n strokie, terug te neem winkels toe en om nie daarvan te eet nie. Die nasionale verbuikerskommissie ondersoek of nog handelsmerke van die rakke verwyder moet word.
Daar is hoër as aanvaarbare vlakke van die gifstof aflatoksien in die grondboontjiebotter gevind. Aflatoksien word geassosieer met ‘n groter risiko vir lewerkanker.
Bronne: IOL, The Citizen, All Africa
