Almal weet dat Geloftedag ’n vakansiedag is wat elke jaar op 16 Desember in Suid-Afrika gevier word, maar hoe baie mense weet hoe dié dag ontstaan het?
Slag van Bloedrivier
Hierdie is die herdenkingsdag toe die Voortrekkers, in 1838, in die Slag van Bloedrivier teen die Zoeloes oorwin het. Voor die geveg het die Voortrekkers ’n gelofte afgelê dat indien hulle daarin sou slag om die Zoeloes te oorwin, hulle ’n kerk sou bou en dié dag jaarliks as ’n godsdienstige dag gedenk.
Godsdienstige vakansiedag
Die dag het bekend gestaan ​​as Dingaansdag (na aanleiding van die Zoeloe-koning Dingane), en in 1910 is die dag as ‘n openbare vakansiedag ingestel. In 1952 het die regerende Nasionale Party die Wet op Openbare Vakansiedae aanvaar en die vakansiedag se naam is verander na Dag van die Verbond en die dag is formeel tot ‘n godsdienstige vakansiedag verklaar. Die naam is later in 1980 weer verander na Geloftedag. Aktiwiteite soos sportgeleenthede en teatervertonings is op dié dag verbied.
Rasseharmonie
In 1961 het die dag bykomende betekenis gekry toe die militêre vleuel van die African National Congress (ANC), Umkhonto we Sizwe (“Spies van die Nasie”), die datum gekies het om ‘n gewapende konflik teen die regering se beleid van apartheid te begin. Nadat die eerste demokraties verkose regering in 1994 in Suid-Afrika tot stand gekom het, is die vakansiedag amptelik herdoop na die Dag van Versoening of Versoeningsdag. Die vakansiedag is nou bedoel om ‘n gevoel van nasionale eenheid en rasseharmonie te bevorder.
Bron: Britannica
