GAUTENG. – ‘n Gr. 10-leerling van Hoërskool Orange Farm het Saterdag gesterf, nadat sy glo peuselhappies afkomstig van ‘n spazawinkel naby haar huis geëet het.
Steve Mabona, onderwyswoordvoerder, sê in ‘n verklaring aan Nuusflits Matome Chiloane, die LUR, het ouers, leerders en gemeenskapslede gewaarsku om met die aankoop van voedsel versigtig te wees en om nie van ongemagtigde voedselverkopers te koop nie.
Die meisie het siek geword ná sy geëet het en is na ‘n plaaslike kliniek geneem waar sy dood verklaar is. Die voorval is Maandag formeel by die skool aangemeld.
Nuusflits het polisiekommentaar gevra.
Het jy kommentaar oor die berig? Jy kan nou aan Nuusflits lesersbriewe skryf en dalk word joune gepubliseer. Rig jou brief aan die redakteur by nuus@nuusflits.com
