BLOEMFONTEIN. – Die hoogste hof van appèl sal waarskynlik vandag ’n beslissing lewer in dr. Nandipha Magudumana se aansoek om haar uitlewering van Tanzanië onwettig te laat verklaar.
Lees ook: Thabo Bester-saak tot Julie uitgestel
Magudumana se regspan het die aansoek in Junie by die hoogste hof van appèl ingedien ná die Vrystaat-hooggeregshof haar saak oor die uitlewering van die rol geskrap het.
Sy en moordenaar Thabo Bester is in April 2023 van Tanzanië na Suid-Afrika uitgelewer ná Magudumana Bester glo gehelp het om uit die tronk te ontsnap.
Magudumana het beweer sy is onwettig aan Suid-Afrika uitgelewer. As die regter in haar guns beslis, kan sy moontlik vrygelaat word.
Magudumana word aangekla van bedrog, korrupsie, regsverydeling en die skending van ‘n lyk. Die saak teen Thabo Bester, Magudumana en hulle mede-beskuldigdes is tot 21 Julie uitgestel.
Bronne: eNCA, Jacaranda FM, X
Lees ook: Thabo Bester-saak tot Julie uitgestel
