GRASSY PARK, KAAPSTAD. – Chanté van Rooyen het diereliefhebbers se harte warm gemaak met die ekstra myl wat sy letterlik vir haar siek hond gestap het.
Sy het vir vyf dae daagliks ’n uurlange staptog tot by die Cape of Good Hope-dierebeskermingsvereniging vanaf haar woning in Grassy Park aangepak om haar geliefde Milo die nodige mediese behandeling te laat kry.
Milo is met die parvovirus gediagnoseer. Dit is ’n gastro-intestinale siekte wat sy lewe in gevaar gestel het.
Sy het selfs ’n rolstoel ingespan om die hitte vir Milo draagliker te maak deur hom op die sitplek te sit en te stoot. Sommige inwoners het gesê die hitte is te uitmergelend vir Milo, maar Chanté het geen ander opsie gesien nie.
Milo het die nodige mediese sorg gekry en sterk tans goed aan.
Bronne: Good Things Guy, Cape of Good Hope SPCA
