KAAPSTAD, WES-KAAP. – Een geval van hondsdolheid is in die Capri-gemeenskap in die Wes-Kaap bevestig. Nog ’n moontlike geval word ondersoek.
Volgens Cape of Good Hope SPCA het twee honde uit dieselfde huishouding positief vir die virus getoets. Die honde is by ’n privaat veearts genadedood toegedien. Nog ’n geval word ondersoek.
Die Cape of Good Hope SPCA in samewerking met die staatsveearts dien proaktiewe immuniserings aan diere in die spesifieke area toe om die verspreiding van die virus te verhoed.
Hondsdolheid is ’n dodelike virale siekte wat meestal van diere na mense oorgedra word. Dit word hoofsaaklik deur ’n byt oorgedra. Die immunisering van troeteldiere is die mees effektiewe manier om diere en mense teen die siekte te beskerm.
Bron: Cape of Good Hope SPCA
