IRAN. – Iran het Donald Trump, die Amerikaanse president, gewaarsku oor “swaar gevolge” ná die VSA se aanval op drie kernaanlegte.
Lees ook: Donald Trump dreig Iran met regimeverandering
Iran se weermagwoordvoerder, Ebrahim Zolfaqari, het gesê “Mnr. Trump, die dobbelaar, jy mag hierdie oorlog begin het, maar ons gaan die een wees wat dit beëindig”.
Iran se minister van buitelandse sake, Abbas Araghchi, het gesê hy gaan na Moskou reis vir ’n vergadering met die Russiese president, Wladimir Poetin, om “te koördineer” oor die toename in aanvalle op sy land.
Araghchi het gesê: “Rusland is ’n vriend van Iran, ons konsulteer altyd met mekaar. Ek gaan Moskou toe vir ernstige samesprekings met die Russiese president op Maandag”.
Bronne: Daily Mail, Times Now, The Financial Express
