ISRAEL. – Die Iranse weermag het vanoggend die Soroka-mediese sentrum in Beersheba in ’n lugaanval getref.
Lees ook: Iran waarsku Israel oor nog ‘massiewe aanvalle’
’n Woordvoerder vir die hospitaal het gesê verskillende dele van die hospitaal is “erg beskadig” en dat mense in die aanval gewond is. Die hospitaal het versoek dat mense nie daarheen gaan vir behandeling nie. Israel se gesondheidsminister, Uriel Bosso, het die aanval ’n “daad van terrorisme” en “die oorsteek van ’n rooi lyn” genoem.
Iran se aanvalle het gevolg nadat Israel die Arak-swaarwateraanleg in Iran aangeval het. Israel het vanoggend vroeg gewaarsku dit gaan die aanleg aanval en het mense aangemoedig om te vlug. Die swaarwater help om kernaanlegte koel te hou, maar vervaardig plutonium wat in die vervaardiging van kernwapens gebruik kan word.
Bronne: CBS News, The Telegraph, Euronews
