GASASTAD. – Israel het beweer dit het Abu Obeida, ’n Hamas-woordvoerder, in ’n lugaanval op Saterdag in Gasastad gedood.
Lees ook: Verskeie mense dood in aardbewing in Afghanistan
Israel se verdedigingsminister, Israel Katz, het die Israeliese weermag en Shin Bet, die Israeliese veiligheidsagentskap, op sosiale media geprys vir ’n “ foutlose operasie”. Hy het Sondag gewaarsku nog meer van Obeida se “kriminele vennote” sal geteiken word met die “intensifisering van die veldtog in Gasa”.
Hamas het nie Obeida se dood bevestig nie, maar het gesê verskeie burgerlikes is gedood en beseer in die aanval op ’n residensiële gebou in Gasastad.
Plaaslike joernaliste het berig sowat sewe mense, onder andere kinders, is dood en 20 is beseer in die aanval op die al-Rimal-buurt in Gasastad.
Bronne: BBC, ABC, The Independent
