Lees ook: Israel val Beiroet aan, teiken glo Hezbollah-leier
VSA. – Die Amerikaanse president, Joe Biden, het gister aangekondig Israel en Hezbollah het ’n Amerikaanse voorstel vir ’n skietstilstand aanvaar.
Biden het gesê die ooreenkoms is “ontwerp om ’n permanente skietstilstand te wees”.
Die skietstilstand “sal omstandighede skep om kalmte te herstel en inwoners van beide lande toelaat om veilig terug te keer na hulle wonings aan beide kante van die Bloulyn (grens)”.
Die ooreenkoms vereis ’n 60 dae skietstilstand waarin Hezbollah-vegters 40 kilometer van die Israel-Libanon grens sal onttrek en die Israeliese weermag van Libannese grondgebied sal padgee.
Libanon sal in terme van die ooreenkoms Hezbollah se bewegings naby die Litani-rivier monitor om seker te maak hulle “hergroepeer” nie weer daar nie.
Israel het gesê as die ooreenkoms oortree word, sal hulle militêre operasies weer voortgaan.
Bronne; BBC, CNN, Sky News
Lees ook: Israel val Beiroet aan, teiken glo Hezbollah-leier
