RAFAH. – Israel se verdedigingsminister, Israel Katz, het die week gesê hy wil die hele Gasa-bevolking na ’n kamp in Rafah verskuif.
Lees ook: Benjamin Netanyahu nomineer Trump vir Nobel-vredesprys
Hy het Maandag aan die media gesê die doel is om Palestynse burgers na ’n “humanitêre stad” te verskuif nadat hulle deur ’n veiligheidsproses gegaan het om seker te maak hulle is nie lede van Hamas nie en dat hulle nie toegelaat sal word om die kamp te verlaat nie.
Katz het gesê as die omstandighede dit toelaat, sal oprigting van die kamp begin tydens ’n 60-dag-skietstilstand wat Israel en Hamas probeer bereik.
Katz se plan het kritiek ontlok met menseregte-aktiviste wat daarop gewys het dit oortree internasionale wette en is ‘n misdaad teen menslikheid.
Bronne: BBC, CNN, CBC
Lees ook: Benjamin Netanyahu nomineer Trump vir Nobel-vredesprys
