Lees ook: Noord-Kaap se geweld eis meer SAPD-beamptes
RAFAH. – Israel het gedreig om teen die begin van Ramadan Rafah in te val as Hamas nie die gyselaars voor dan aan hulle oorhandig nie.
Die Israeliese regering het gesê Rafah is die laaste plek waar Hamas nog wegkruip. Dit is ook waarheen meeste Palestynse burgers gevlug het sedert die oorlog begin het.
Verskeie lande se regerings het gevra Israel moet die aanval stopsit om onskuldige Palestynse burgerlikes te beskerm.
Israel het gesê hulle sal die aanval in samewerking met die Amerikaners en Egiptenare uitvoer om seker te maak minder burgerlikes gaan dood.
Hulle het gesê: “Die wêreld en Hamas moet weet as ons gyselaars nie teen Ramadan by die huis is nie, sal die gevegte oral voortgaan, insluitend in Rafah”. Ramadan sal na verwagting op 10 Maart begin.
Bronne: IOL, DW – South Africa, Gulf News
