Lees ook: Israel wil nuwe Hamas-leier doodmaak terwyl kommer oor volskaalse oorlog toeneem
GAZA. – Israel se weermag het die naweek opdrag gegee dat meer ontruimings in die suide van Gaza moet plaasvind ná die Israeliese weermag ‘n skool in die gebied aangeval het.
Die Israeliese weermag het Saterdag ‘n moskee in ‘n skool waar duisende mense geskuil het, in Gaza-stad aangeval. Volgens Israel was Hamas en Islamitiese Jihad-lede in die skool en is 19 persone gedood.
Gaza se gesondheidsministerie het gesê 80 mense is in die aanval dood en 50 is gewond.
Die meeste van die Palestynse inwoners van 2.3 miljoen moes reeds uit Gaza vlug in die tien maande dat die oorlog aan die gang is.
Kommer bestaan steeds oor ‘n aanval van Iran uit weerwraak vir die dood van Hamas- en Hezbollah-leiers. Hezbollah het gister vuurpyle na Israel gevuur.
Bronne: Times of India, New York Post, Daily Mail
Lees ook: Israel wil nuwe Hamas-leier doodmaak terwyl kommer oor volskaalse oorlog toeneem
