Lees ook: Rusland stuur lugverdedigingstelsels na Iran
ISRAEL. – Die Israeliese verdedigingsminister, Yoav Gallant, het gesê hulle gaan die nuwe Hamas-leier, Yahya Sinwar, doodmaak.
Hy het gesê teen die einde van die oorlog sal daar geen Hamas-militante in Israel wees nie, “Daar sal geen veiligheidsbedreiging van Gaza aan Israel wees nie en Israel sal die vryheid hê om enige aksies uit te voer wat nodig is teen enigiemand wat ons bedreig”.
Die opmerkings kom terwyl kommer toeneem oor ’n volskaalse oorlog in die Midde-Ooste, met Iran, Hezbollah en Hamas wat weerwraak wil neem vir die dood van Hamas- en Hezbollah-leiers.
Verskeie lande het hulle burgers uit Libanon ontruim en die VK en VSA het militêre personeel, vegvliegtuie en oorlogskepe gestuur ingeval gevegte uitbreek.
Rusland het intussen ’n lugverdedigingstelsel na Iran gestuur.
Bronne: Daily Mail, New York Times, The Jerusalem Post
