Lees ook: Iran beplan weerwraak na beweerde Israeliese lugaanval op Damaskus
ISRAEL. – Duisende Israeli’s het vir ’n tweede aand die strate van Jerusalem, Tel Aviv, Bnei Brak en Haifa ingevaar om te eis dat eerste minister Netanyahu uit sy pos verwyder word. Hulle betoog ook om ’n einde te bring aan die verpligte weermagdiens.
Betogers is woedend oor Netanyahu se hantering van die oorlog in Gaza waarin byna 33 000 mense al dood is. Hulle is ook kwaad oor ’n voorstel dat ‘n wet wat ultra-Ortodokse Jode van weermagdiens kwytskeld, verander moet word.
Die betogers het ’n pad na die parlementsgebou in Jerusalem geblokkeer as deel van ’n vierdag-sitstaking wat eis Netanyahu moet afgedank word en verkiesings moet gehou word. Hulle wil ook hê die gyselaars moet teruggebring word. Netanyahu het gesê om nou verkiesings te hou “net voor hulle die oorlog wen” sal Israel vir ses tot agt maande “verlam” en die gyselaaronderhandelinge ophou. Hy het ook weer gesê die Israeliese weermag gaan Rafah inval.
Dit volg na bewerings dat Israel die Iranse konsulaat in Damaskus aangeval het.
Bronne: Daily Mail, CNN, AP News
Lees ook: Iran beplan weerwraak na beweerde Israeliese lugaanval op Damaskus
