NOORD-KAAP. – ‘n Beskuldigde (44) is ‘n opgeskorte vonnis opgelê vir die seksuele aanranding op ‘n meisie (6) op 11 November 2023 by haar ouma se huis op Carnarvon.
Kol. Cherelle Ehlers sê die man het herstelwerk by die ouma se huis gedoen. Na die besoek aan die ouma het die kind vir haar ma gesê die beskuldigde het haar gesoen en op ‘n seksuele manier aangeraak. Die man is in hegtenis geneem en is later op borg vrygelaat.
Die De Aar-streekshof het die man skuldig bevind en tot ses jaar tronkstraf, waarvan vyf jaar opgeskort is, gevonnig. Hy mag gedurende die opskortingstydperk nie weer vir dieselfde oortreding skuldig bevind word nie.
Die beskuldigde se naam word in die nasionale register vir seksuele oortreders aangeteken.
Speur.sers. Marlon Eksteen van Carnarvon-GKS het die suksesvolle afhandeling van die saak en vonnis verseker.
