Lees ook: Saak teen Trump oor geklassifiseerde dokumente van rol geskrap
VSA. – Die VSA se departement van justisie se spesiale aanklaer, Jack Smith, het appelleer teen die besluit om die saak waarin Trump beskuldig word dat hy onwettig geklassifiseerde dokumente in sy besit gehad het, te laat vaar.
Regter Aileen Cannon, wat deur Trump aangestel is, het die saak teen Trump uitgegooi en gesê die aanstel van spesiale aanklaers is ongrondwetlik.
Smith het in sy appèl aangevoer die regter se besluit het “afgewyk” van die regspresedent. Trump se regspan het tot 26 September om op Smith se appèl te reageer.
Donald Trump was daarvan aangekla dat hy geklassifiseerde regeringsdokumente by sy Florida-huis gehad het na sy ampstermyn verstryk het en dat hy vir ondersoekers gelieg het. Hy is ook daarvan beskuldig dat hy die ondersoek probeer dwarsboom het.
Bronne: BBC, New York Times, NBC News
Lees ook: Saak teen Trump oor geklassifiseerde dokumente van rol geskrap
