KWAZULU-NATAL. – Voormalige president Jacob Zuma was Donderdag omstreeks 18:40 op die R66 in ‘n motorongeluk.
Die bestuurder (51) in die ander voertuig is op aanklagte van dronkbestuur en roekeloos- en nalatige bestuur in hegtenis geneem.
Brig. Athlenda Mathe sê die man se voertuig het met dié van die voormalige president se gepantserde staatsvoertuig gebots. Zuma en lede van die presidensiële beskermingsdienste (PPS) was in die voertuig en is ongeskonde van die toneel ontruim en na sy huis toe gevat.
Die bestuurder van die ander voertuig is in aanhouding en sal na verwagting Dinsdag in Eshowe-landdroshof verskyn.
