WES-KAAP. – Maurice, ‘n nagapie, het onlangs per ongeluk ‘n onbeplande reis te pad onderneem en 1 400 km verder in Kaapstad geëindig. ‘n Buitengewone terugrit is op Erfenisdag aangepak om hierdie nuuskierige agie weer by die huis te kry.
Belinda Abraham, van Cape of Good Hope SPCA, sê in ‘n verklaring ‘n man van Johannesburg was besig om sy motor ná die rit van 1 400 km in die Kaap uit te pak toe hy die “verstekeling” opmerk. Omdat nagapies nie inheems in Kaapstad is nie, was dit nie veilig om hom los te laat nie. Die apie is na die Cape of Good Hope-DBV geneem, waar bevind is dat hy goeie gesondheid geniet. In samewerking met Johannesburg Wildlife Vet, CapeNature en Airlink is die nodige permitte gereël om hom huis toe te laat vlieg. Maurice het veilig in sy tuisgebied, buite Fourways, aangekom.
Volgens Abraham is dit simbolies gepas dat Maurice se tuisvlug op Erfenisdag was – ’n herinnering dat ons nasionale erfenis nie net oor mense gaan nie, maar ook oor die bewaring van ons natuur en wild.
Druk hier om meer te lees.
