NOORD-KAAP. – Jovelle Jadan Floors (19) is Dinsdag in die Prieska-streekhof vir die aanval op ‘n vrou (66) op ‘n plaas in Marydale tot 12 jaar tronkstraf gevonnis.
Sers. Molefi Shemane sê die vonnis volg na ‘n roof om ongeveer 17:30 op 13 Oktober. Die bejaarde vrou is op die plaas aangeval, aangerand en besteel voordat haar aanvaller van die toneel gevlug het. Die aanvaller is die volgende dag op Vanwyksvlei gearresteer.
Die dossier is deur speur.AO Belvian Moseki ondersoek en borg is suksesvol teengestaan. Die hof het Floors skuldig bevind en vir roof met verswarende omstandighede tot 12 jaar, waarvan twee jaar vir vyf jaar opgeskort is, gevonnis.
