VRYSTAAT. – Die liggaam van ‘n jong man (19) is Woensdag omstreeks 10:00 deur ‘n duikeenheid gevind, nadat hy glo Dinsdag die Valsrivier wou oorsteek en meegesleur is.
Adj.off. Mmako Mophiring sê die oorledene van Ntha, naby Lindley, het na bewering Dinsdag omstreeks 18:00 saam met twee vriende die rivier probeer oorteek. Hy is deur ‘n sterk stroom meegesleur en ‘n vriend het hom gehaas om hulp te kry en die polisie na die toneel ontbied.
Die polisie het die liggaam gekry en die jong man is deur sy pa geïdentifiseer. ‘n Geregtelike doodsondersoek is geopen.
Mophiring herinner ouers weer daaraan om versigtig te wees met die hewige reën en te weet waar hulle kinders is. Mense moenie probeer om riviere oor te steek nie en moet modderige, stilstaande water, veral by steengroewe, vermy.
