KWAZULU-NATAL. – ‘n Jong man (19) is Saterdagmiddag net na 13:00 dood toe ‘n trein hom op ‘n treinspoor tussen Tongaat en Ballito getref het.
Reaction Unit South Africa (Rusa) sê hulp is ontbied en die liggaam van die jong man is gekry waar hy tussen treinspore lê. Hy is op die toneel dood verklaar. Volgens die masjinis het die oorledene op die treinspoor gestap. Die toeter is geblaas en die jong man het glo omgedraai en sy hande in die lug gegooi. Die trein kon nie betyds stop nie en het oor hom gery.
Rusa sê dit kan nie bevestig word of die oorledene sielkundige probleme gehad het of selfdood wou pleeg nie.
Sy familie het hom op die toneel geïdentifiseer.
